8POP0278


8POP2053


    ສານ​ປະຊາຊົນ​ສູງ​ສຸດ ​ແຫ່ງ ສປປ ລາວ ໄດ້ເດີນທາງໄປ​ພົບ​ປະແລກປ່ຽນ​ກິລາ-ສິນລະປະວັນນະຄະດີ ກັບ ສານ​ປະຊາຊົນ​ສູງ​ສຸດ ສສ ຫວຽດນາມ ພ້ອມທັງເຂົ້າຮ່ວມພິທີສະ​ເຫລີ​ມສະຫລອງ ວັນສ້າງຕັ້ງ​ສານ​ປະຊາຊົນ 13 ກັນຍາ ຄົບຮອບ 74 ປີ ຂອງ ​ສສ ຫວຽດນາມ ທີ່ ແຂວງ ເງະອານ ສສ ຫວຽດນາມ ລະຫວ່າງ ວັນທີ 11-15 ກັນຍາ 2019 ໂດຍການເຂົ້າຮ່ວມຂອງ ​ທ່ານ ຫວຽນ ຮວ່າ​ບິງ ​ເລຂາທິການ​ສູນ​ກາງ​ພັກ, ປະທານສານ​ປະຊາຊົນ​ສູງ​ສຸດ ​ແຫ່ງ ສສ ຫວຽດນາມ ພ້ອມດ້ວຍ ທ່ານ ຄຳພາ ແສງດາຣາ ປະທານສານປະຊາຊົນສູງສູດ ໄດ້ນຳພາຜູ້ແທນ 100 ກວ່າທ່ານເຂົ້າຮ່ວມ.

    ການແຂ່ງຂັນກິລາ ​ແລະ ສິລະ​ປະວັນນະຄະດີມິດຕະພາບ ລະຫວ່າງ ສານ​ປະຊາຊົນ​ ​ແຫ່ງ ສປປ ລາວ ແລະ ສານ​ປະຊາຊົນ​ ສສ ຫວຽດນາມຄັ້ງ​ນີ້ ສຸດ​ທີ່​ມີຄ​ວາ​ມໝາຍຄວາມ​ສຳຄັນ ມັນ​ໄດ້​ເປັນ​ຂີດ​ໝາຍ​ປະຫວັດສາດຂອງສອງຂະແໜງການສານປະຊາຊົນທັງ 2 ປະເທດ, ​ເປັນ​ການ​ເພີ​ມພູນ​ຄູນ​ສ້າງ​ໃຫ້​ຄວາມ​ສາມັກຄີ​ແບບ​ພິ​ເສດ​ຂອງ​ສອງ​ຊາດ ລາວ-ຫວຽດນາມ ​ນັບ​ມື​​ໃສ​ແຈ້ງ​ຂື້ນ​. ເຊີ່ງໃນປີນີ້ສຸດມີຄວາມສຳຄັນຢ່າງຍີ່ງໃຫຍ່ສໍາຫຼັບ ສານປະຊາຊົນລາວ-ຫວຽດນາມ, ຫວຽດນາມ-ລາວ ເຊີ່ງເປັນປີທີ່ສານປະຊາຊົນລາວສ້າງຂະບວນການເພື່ອສະເຫຼີມສະຫຼອງວັນສ້າງຕັ້ງສານປະຊາຊົນລາວຄົບຮອບ 37ປີ ທີ່ຜ່ານມາ ແລະ ພີເສດກໍ່ແມ່ນ ​ວັນ​ສ້າງ​ຕັ້ງ​ສານ​ປະຊາ​ຊົນ ​ແຫ່ງ ສສ ຫວຽດນາມ ຄົບຮອບ 74. ໃນຂະບວນການແລກປ່ຽນກິລາ ​ແລະ ສິນລະປະວັນນະຄະດີໃນຄັ້ງນີ້  ມີ​ນັກ​ກິລາ ​ແລະ ສີນ​ລະ​ປະ​ເຂົ້າ​ຮ່ວມທັງໝົດ 200 ກວ່າທ່ານເຊີ່ງປະກອບດ້ວຍກິລາ ເຕະບານ, ຕີບານ, ຕີດອກປີກໄກ່, ຕີປິງປ່ອງ, ດືງເຊືອກ ແລະ ຕີກ໋ອບ. ຕະຫຼອດໄລຍະເວລາການແຂ່າງຂັນນັ້ນເຫັນໄດ້ວ່າບັນດາຄູຝືກ, ນັກກິລາ, ໄດ້ພ້ອມກັນເອົາໃຈໃສ່ຝືກຊ້ອມ ແລະ ທຸ້ມເທເຫື່ອແຮງຂອງຕົ້ນເຂົ້າໃນກິລາແຫ່ງມິດຕະພາບໃນຄັ້ງນີ້, ດ້ວຍຄວາມຮັບຜິດຊອບສູງ, ມີຄວາມສາມັກຄີ, ມິດຕະພາບ, ເຄົາລົບເຊີ່ງກັນ ແລະ ກັນ ອັນໄດ້ເຮັດໃຫ້ຊະບວນການແຂ່າງຂັນມີບັນຍາກາດຟົດຟື້ນ ແລະ ເຕັມໄປດ້ວຍມິດຕະພາບ.

    ທັງສອງຂະແໜງການສານໄດ້ຕີລາຄາສູງຕໍ່ການຈັດການແລກປ່ຽນກິລາ ແລະ ສີນລະປະວັນນະຄະດີໃນຄັ້ງນີ້ມັນເປັນເຫດການ 1000ປີ ມີເທື່ອໜື່ງ, ມັນໄດ້ສ້າງໃຫ້ສາຍພົວພັນ, ຄວາມສາມັກຄີແບບພິເສດຮອບດ້ານຂອງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວ, ເວົ້າລວມເວົ້າສະເພາະແມ່ນເຮັດໃຫ້ການພົວພັນລະຫວ່າງ ສານ​ປະຊາຊົນ​ ​ແຫ່ງ ສປປ ລາວ ແລະ ສານ​ປະຊາຊົນ​ ສສ ຫວຽດນາມ, ນັບມື້ແຕກດອກອອກຜົົນ ທາງວົງກ້ວາງ ແລະ ວົງເລີກ, ສືກສາໄດ້ມູນເຊື້ອຮິດຄອງປະເພນີ ທີ່ມີແຕ່ດືກດຳບັນ, ທັງເປັນການສືບຕໍ່ສ້າງລະບົບສານຂອງສອງປະເທດເພື່ອຮອງຮັບກັບພາກພື້ນ.

 

 

ພາບ: ສາຄອນ ບຸນມີໄຊ

ຂ່າວ: ອານຸພົນ ພົມຮັກສາ