ONE 2346


     ໃນວັນ​ທີ 26 ພະຈິກ 2018 ທີ່ສານ​ປະຊາຊົນ​ສູງ​ສຸດໄດ້​ຈັດ​ພິທີ​ປາຖະກະຖາ​ຫວນ​ຄືນ​ມູນ​ເ​ຊື້​ອວັນ​ສ້າງຕັ້ງ​ເມືອງ​ວຽງ​ໄຊ ແຂວງ​ຫົວພັນ​ຖານ​ທີ່​ໝັ້ນ​ຂອງ​ການ​ປະຕິວັດລາວ ຄົບຮອບ 50 ປີ( ວັນ​ທີ30/11/1968-30/11/2018 ) ໂດຍ​ການ​ໃຫ້​ກຽດ​ປາຖະກະຖາ​ຂອງ​ສະຫາຍ ສົມ​ສະຫວາດ ເລັ່ງ​ສະ​ຫວັດ ທີ່​ປຶກສາ​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ X ດ້ານ​ວຽກງານ​ຄົ້ນຄວ້າ​ທິດ​ສະ​ດີ, ພຶດຕິ​ກຳ​ຂອງ​ພັກ ແລະ ແນວ​ຄິດປະທານ​ໄກສອນ ພົມວິຫານ, ໂດຍ​ມີ ທ່ານ ຄຳ​ພັນ ສິດທິ​ດຳ​ພາ ປະທານສານ​ປະຊາຊົນ​ສູງ​ສຸດ ພ້ອມ​ດ້ວຍ​ພະນັກງານ​ການ​ນຳ ແລະ ວິຊາ​ການ​ເຂົ້າ​ຮ່ວມ​ຮັບ​ຟັງ

     ໃນ​ພິທີ​ ທ່ານ ສົມ​ສະຫວາດເລັ່ງ​ສະ​ຫວັດ ໄດ້​ຍົກ​ໃຫ້​ເຫັນ​ເນື້ອ​ໃນ​ຄວາມ​ໝາຍ​ຄວາມ​ສຳຄັນ​ການ​ກຳເນີດ​ເກີດ​ຂຶ້ນ​ຂອງ​ເມືອງ​ວຽງ​ໄຊ ຖານ​ທີ່​ໝັ້ນ​ຂອງ​ການ​ປະຕິວັດ​ລາວ, ເມືອງ​ວຽງ​ໄຊ​ແມ່ນ​ຕົ້ນ​ກຳເນີດ​ຂອງ​ສາທາລະນະ​ລັດ ປະຊາທິປະໄຕ ປະຊາຊົນ​ລາວ ເມືອງ​ວຽງ​ໄຊ​ຍັງເປັນ​ສູນ​ກາງ​ແຫ່ງ​ການ​ຊີ້​ນຳ​-​ນຳພາຮອບດ້ານ​ຂອງ​ພັກ​ໃນ​ພາລະກິດຕໍ່​ສູ້​ປົດ​ປ່ອຍ​ຊາດ​ຢ່າງ​ມີ​ໄຊ, ​ເປັນ​ບ່ອນ​ກຳເນີດ​ຂອງ​ພັກ​ປະຊາຊົນ​ລາວ, ເປັນ​ບ່ອນ​ກຳເນີດ​ຂອງ​ອົງການ​ແນວ​ລາວ​ຮັກ​ຊາດ, ຊຶ່ງ​ເປັນໃຈ​ກາງ​ແຫ່ງ​ການ​ເຕົ້າໂຮມ​ຄວາມ​ສາມັກຄີ​ທົ່ວ​ປວງ​ຊົນ​ທັງ​ຊາດ, ເປັນຖານ​ທີ່​ໝັ້ນ​ຂອງ​ການ​ປະຕິວັດເປັນ​ບ່ອນ​ກໍ່ສ້າງ ແລະ ຂະຫຍາຍ​ກຳລັງ​ປະກອບ​ອາວຸດກໍ່ສ້າງ ແລະ ປົກ​ປັກ​ຮັກສາ​ຖານ​ທີ່​ໝັ້ນ​ການ​ປະຕິວັດ, ກຳລັງ​ປະກອບ​ອາວຸດ​ໄດ້​ເຕີບ​ໃຫຍ່​ຂະຫຍາຍຕົວ​ຢ່າງ​ແຂງແຮງ, ເປັນ​ສູນ​ກາງ​ການ​ຊີ້​ນຳ​ຂອງ​ພັກຕໍ່​ພາລະກິດ​ຕໍ່ສູ້​ ກູ້​ຊາດ​ຕ້ານ​ລັດທິ​ລ່າ​ເມືອງ​ຂຶ້ນ​ແບບ​ເກົ່າ ແລະ ແບບ​ໃໝ່, ປົດ​ປ່ອຍປະ​ເທດ​ຊາດ​ຢ່າງ​ສົມບູນ, ພວກ​ເຮົາ​ມີ​ເມືອງ​ວຽງ​ໄຊເປັນ​ຖານ​ທີ່​ໝັ້ນ​ຂອງ​ການ​ປະຕິວັດ​ກໍ່​ຍ້ອນ​ມີ​ການ​ເສຍສະຫຼະ​ຊີວິດ, ເລືອດ​ເນື້ອ​ເຫື່ອ​ໄຄ ແລະ ຊັບ​ສິນ​ຈັກ​ວ່າ​ເທົ່າໃດ​ຂອງ​ພະນັກງານ​ນັກຮົບ ແລະ ປະຊາຊົນທັງ​ໝົດເຫຼົ່າ​ນັ້ນ​ກໍ່​ເພື່ອ​ໃຫ້​ພະນັກງານ​ຫຼັກ​ແຫຼ່ງ ແລະ ວິຊາ​ ການອ້ອມ​ຂ້າງ​ສານ​ປະຊາຊົນ​ສູງ​ສຸດໄດ້​ຮັບ​ຮູ້​ເຂົ້າໃຈ ແລະ ກຳ​ແໜ້ນ​ຢ່າງ​ເລິກເຖິງຄວາມເປັນມາການກຳເນີດຂອງ ແລະ ການເສຍສະຫຼະຂອງບັນພະບູລຸດເຮົາ.

 

ຂ່າວ: ອານຸພົນພົມຮັກສາ