ONE 1791 2


        ໃນລະຫວ່າງວັນທີ 28-31 ຕຸລາ 2018 ທ່ານ ຄຳພາ ແສງດາຣາ ຮອງປະທານສານປະຊາຊົນສູງສຸດ ໄດ້ສຳເລັດການເດີນທາງໄປເຂົ້າຮ່ວມກອງປະຊຸມວຽກງານຍຸດຕິທຳອາຊີ-ປາຊີຟິກກ່ຽວກັບການພິຈາລະນາຄະດີສີ່ງແວດລ້ອມ ແລະ ບັນຫາການປ່ຽນແປງດີນຟ້າອາກາດ (Asia-Pacific Judicial Conference on Environmental and Climate Change Adjudication) ຊື່ງກອງປະຊຸມດັ່ງກ່າວໄດ້ຈັດຂື້ນໃນວັນທີ 29-30 ຕຸລາ 2018, ທີ່ນະຄອນເນປີດໍ, ສະຫະພາບມຽນມ້າ, ຊື່ງໃຫ້ການສະໜັບສະໜູນໂດຍທະນາຄານເອດີບີ. ໂດຍມີປະທານສານ, ຮອງປະທານສານ ບັນດາຜູ້ພິພາກສາ, ທະນາຍຄວາມ, ຄູອາຈານສີ່ງແວດລ້ອມ ແລະ ນັກກົດໝາຍ ຈາກສະຫະພາບມຽນມ້າ, ບັນດາປະເທດອາຊຽນ, ອາເມການ, ບຣາຊິວ ແລະ ບັນດາປະເທດປາຊີຟິກ ເຂົ້າຮ່ວມ ຈຳນວນ 195ຄົນ.
        ໃນກອງປະຊຸມຄັ້ງນີ້ມີຈຸດປະສົງເພື່ອຍົກສູງຄວາມຮັບຮູ້ໃຫ້ແກ່ບັນດາພະນັກງານຕຸລາການໃນຂົງເຂດປະເທດອາຊີ-ປາຊີຟີກ, ເພີ້ມທະວີທາງດ້ານວິຊາການກົດໝາຍຕ່າງໆກ່ຽວກັບສີ່ງແວດລ້ອມ ແລະ ການປ່ຽນແປງດີນຟ້າອາກາດ, ຍົກລະດັບຄວາມຮັບຮູ້ກ່ຽວກັບສີ່ງແວດລ້ອມ ແລະ ການປ່ຽນແປງດີນຟ້າອາກາດ ທີ່ຈະຕ້ອງເອົາໃຈໃສ່ ແລະ ເພື່ອຫາທາງແກ້ໄຂ, ປືກສາຫາລືສີ່ງທີ່ທ້າທາຍທີ່ຜູ້ພິກພາກສາປະເຊີນໜ້າໃນການພິຈາລະນາຕັດສີນຄະດີທີ່ພົວພັນເຖີງບັນຫາສີ່ງແວດລ້ອມ ແລະ ການປ່ຽນແປງດີນຟ້າອາກາດໃນປັດຈຸບັນ ແລະ ອະນາຄົດ. ກອງປະຊຸມໄດ້ປືກສາຫາລື ແລະ ແລກປ່ຽນບົດຮຽນກັນໂດຍນຳເອົາຕຸລາການ, ນັກກົດໝາຍ ແລະ ນັກວິຊາການສີ່ງແວດລ້ອມມາແລກປ່ຽນຄວາມຄິດຄວາມເຫັນນຳກັນເພື່ອເຮັດໃຫ້ການຈັດຕັ້ງປະຕິບັດການດຳເນີນຄະດີກ່ຽວກັບບັນຫາສີ່ງແວດລ້ອມ ແລະ ການປ່ຽນແປງດີນຟ້າອາກາດ ພາຍໃນປະເທດ ແລະ ສາກົນໃຫ້ດີທີ່ສຸດ.

 

ຂ່າວ: ອານຸພົນພົມຮັກສາ