ONE 6006


ONE 5971


      ເມື່ອວັນທີ 5-6 ກໍລະກົດນີ້ 2018 ທີ່ສານປະຊາຊົນສູງສຸດໄດ້ເປິດກອງປະຊຸມຄົບຄະນະບໍລິຫານງານພັກເປີດກວ້າງ ຄັ້ງທີ 4 ສະໄໝທີ III ຂອງອົງຄະນະພັກສານປະຊາຊົນສູງສຸດໄດ້ຈັດຂຶ້ນພາຍໃຕ້ການເປັນປະທານຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ແລະ ມີຄະນະບໍລິຫານງານພັກສານປະຊາຊົນສູງສຸດເຂົ້າຮ່ວມ. ກອງປະຊຸມຄັ້ງນີ້ໄດ້ຜ່ານມະຕິສະບັບເລກທີ 037/ຄບສພ, ລົງວັນທີ 18 ມິຖຸນາ 2018 ຂອງຄະນະບໍລິຫານງານສູນກາງພັກ ວ່າດ້ວຍການຍົກສູງປະສິດທິພາບຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ, ຜ່ານບົດສະຫຼຸບການຊີ້ນຳໆພາຂອງອົງຄະນະພັກສານປະຊາຊົນສູງສຸດໃນໄລຍະ 6 ເດືອນຜ່ານມາ ແລະ ຈຸດສຸມ 3 ເດືອນຕໍ່ໜ້າ, ຮັບຟັງການລາຍງານການປະ ຕິບັດວຽກງານຂອງກົມຄຸ້ມຄອງວິຊາການ ແລະ ສະຖິຕິສານ, ກົມພົວພັນຮ່ວມກັບຕ່າງປະເທດ ແລະ ມີການປະກອບຄວາມຄິດ-ຄວາມເຫັນດ້ານຈຸດດີ ແລະ ຈຸດອ່ອນ. ໄດ້ວາງທິດທາງຈຸດສຸມ 3 ເດືອນຕໍ່ໜ້າຈະເພີ່ມທະວີໃສ່ບາງບັນຫາສຳຄັນເປັນຕົ້ນແມ່ນເພີ່ມທະວີການສຶກສາອົບຮົມນຳພາ-ການເມືອງແນວຄິດໃຫ້ຖັນແຖວສະມາຊິກພັກ, ພະນັກງານ-ລັດຖະກອນຢ່າງເລິກເຊິ່ງມີຈຸດສຸມ ແລະ ແທດເຖິງແຕ່ລະເປົ້າໝາຍເປັນປົກກະຕິ, ສືບຕໍ່ປັບປຸງກົງຈັກການຈັດຕັ້ງຕິດພັນກັບການຂຶ້ນແຜນກຳນົດພະນັກງານນຳພາ-ຄຸ້ມຄອງສານປະຊາຊົນຂອບເຂດທົ່ວປະເທດແຕ່ນີ້ຫາປີ 2020 ໃຫ້ສໍາເລັດ, ຄົ້ນຄວ້າພິຈາລະນາແກ້ໄຂ ຄະດີດ້ວຍຈິດໃຈບຸກທະລຸແລະນໍາໃຊ້ກົນໄກວິທີການທີ່ເຫມາະສົມເພື່ອໃຫ້ການແກ້ໄຂພິຈາລະນາຄະດີໄດ້ຕາມຄາດຫມາຍທີ່ວາງ , ປະສານສົມທົບກັບພາກສ່ວນທີ່ ກ່ຽວຂ້ອງເປັນຕົ້ນແມ່ນອົງການໄອຍະການປະຊາຊົນ , ສະພາແຫ່ງຊາດ, ສືບຕໍ່ປັບປຸງກົດຫມາຍວ່າດ້ວຍ ການດໍາເນີນຄະດີແພ່ງ , ກົດຫມາຍວ່າດ້ວຍຄ່າທໍານຽມສານ ແລະກົດຫມາຍອື່ນໆທີ່ກ່ຽວຂ້ອງ , ປຸກລະດົມຂະບວນການສ້າງຜົນ ງານຄໍານັບຮັບຕ ້ອນວັນສ້າງຕັ້ງສານປະຊາ ຊົນຄົບຮອບ 36 ປີໃຫ້ມີເນື້ອໃນຂະບວນຟົດ ຟື້ນແລະສືບຕໍ່ກໍ່ສ້າງນິຕິກໍາຕ່າງໆທີ່ຍັງບໍ່ສໍາເລັດຄາດຫມາຍ

  

ພາບ - ຂ່າວ: ອານຸພົນພົມຮັກສາ