DSC 2570


DSC 2578


        ພິທີ ປະກາດແຕ່ງຕັ້ງ ຜູ້ພິພາກສາ ຊັ້ນໜື່ງ ຂັ້ນສີ່ ປະຈຳຢູ່ ສານປະຊາຊົນ ເຂດ I  ແຂວງວຽງຈັນ, ຕອນເຊົ້າຂອງວັນທີ 09 ກໍລະກົດ 2018 ທີ່ຜ່ານມານີ້ ຢູ່ທີ່ສະໂມສອນຂອງ ສານປະຊາຊົນແຂວງວຽງຈັນ ໂດຍການເປັນກຽດເຂົ້າຮ່ວມຂອງ ທ່ານ ຄໍາພັນ ສິດທິດຳພາ ກຳມະການສູນກາງພັກ ປະທານສານປະຊາຊົນສູງສຸດ, ມີຄະນະປະຈຳພັກເມືອງ 4 ຕົວເມື່ອງອ້ອມຂ້າງແຂວງ, ຫົວໜ້າຫ້ອງການ ພະນັກງານວິຊາການທີ່ກຽ່ວຂ້ອງກໍ່ເປັນກຽດເຂົ້າຮ່ວມຢ່າງພ້ອມພຽງ.

        ໃນພິທີດັ່ງກ່າວ ໄດ້ຜ່ານມະຕິຕົກລົງ ຂອງຄະນະປະຈໍາ ສະພາແຫ່ງຊາດ ຕົກລົງ ແຕ່ງຕັ້ງ ທ່ານ ໂຮນລັ່ງ ປ້ອງຄໍາດີ ຜູ້ຊ່ວຍຜູ້ພິພາກສາ ເປັນ ຜູ້ພິພາກສາ ຊັ້ນໜື່ງ ຂັ້ນສີ່ ປະຈຳຢູ່ ສານປະຊາຊົນ ເຂດ I  ແຂວງວຽງຈັນ, ມອບໃຫ້ສານປະຊາຊົນສູງສຸດ ສານປະຊາຊົນເຂດ I ແຂວງວຽງຈັນ, ພາກສ່ວນທີ່ກຽ່ວຂ້ອງ, ຜູ້ຖືກແຕ່ງຕັ້ງ ຈົ່ງຮັບຮູ້ ແລະ ຈັດຕັ້ງປະຕິບັດ ມະຕິສະບັບນີ້ຢ່າງເຂັ້ມງວດ.

      ໃນຕອນທ້າຍຂອງພິທີດັ່ງກ່າວ ທ່ານຄຳພັນ ສິດທິດຳພາ ປະທານສານປະຊາຊົນສູງສຸດ ໄດ້ເນັ້ນໜັກໃຫ້ບັນດາທ່ານ ທີ່ຖຶກແຕ່ງຕັ້ງຈົ່ງເອົາໃຈໃສ່ເຮັດໜ້າທີ່ຂອງຕົນດ້ວຍຄວາມປອດໃສຍຸຕິທຳ ບໍ່ສວຍໃຊ້ໜ້າທີ່ ຕຳແໜ່ງ ສິດອຳນາດ ເພື່ອຫາຜົນປະໂຫຍດໃຫ້ແກ່ຕົນເອງ ຫຼືຍາດພີ່ນ້ອງ ບໍ່ບັງຄົບນາບຂູ່ ປະຕິບັດສິດໜ້າທີ່ເກີນຂອບເຂດ ຫຼືລະເມີດລະບຽບການດຳເນີນຄະດີ ບໍ່ລຳອຽງເຂົ້າຂ້າງອອກຂາ ທີ່ພາໃຫ້ການຕັດສິນຄະດີ ບໍ່ຍຸຕິທຳ ບໍ່ກັກສຳນວນຄະດີ ກົດໜ່ວງເອກະສານ ປິດບັງຊຸກເຊື່ອງເອກະສານ ຫຼືຫຼັກຖານຢູ່ໃນສຳນວນຄະດີ ແລະ ພ້ອມກັນເຮັດໜ້າທີ່ຂອງຕົນດ້ວຍຄວາມຮັບຜິດຊອບ ເຮັດໃຫ້ວຽກງານສານປະຊາຊົນໄດ້ຮັບຄວາມໄວ້ວາງໃຈຈາກປະຊາຊົນ.

  

ພາບ-ຂ່າວ SK