DSC 0463


DSC 0439


    ໃນຕອນເຊົ້າຂອງວັນທີ 18 ພຶດສາພາ 2018 ນີ້ ສານປະຊາຊົນເຂດ III ຈັດພິທີ ປະກາດການແຕ່ງຕັ້ງປະທານສານປະຊາຊົນເຂດ III ຢູ່ທີ່ສະໂມສອນເມືອງຈຳປາສັກ ແຂວງຈຳປາສັກ ໂດຍໃຫ້ກຽດເປັນປະທານຂອງທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ທ່ານ ກັ້ງ ເຕີມສົມບັດ ຫົວໜ້າກົມຈັດຕັ້ງສານປະຊາຊົນສູງສຸດ ມີບັນດາ ປະທານສານປະຊົນພາກໄຕ້ ສານປະຊາຊົນແຂວງ ສານເຂດ ແລະ ພະແນກການກົມກອງອ້ອມຂ່າງແຂວງທີ່ກ່ຽວຂອງເຂົ້າຮ່ວມ, ທ່ານ ສັນຕິ ພີມມະກອນ ຜູ້ຮັກສາການປະທານສານປະຊາຊົນເຂດ III ກໍ່ໄດ້ຂື້ນລາຍງານສະພາບການເຄື່ອນໄຫວວຽກງານໃນການຈັດຕັ້ງປະຕິບັດໄລຍະ 06 ເດືອນ ຜ່ານມາ ແລະ ທິດທາງແຜນການ 06 ເດືອນທ່າຍປີ 2018 ເປັນຕົ້ນແມ່ນ: ວຽກງານການໄກ່ເກຍການຕັດສິນຄະດີ ,ວຽກງານການກໍ່ສ້າງພະນັກງານ , ວຽກງານວິຊາສະເພາະ, ວຽກງານຂະບວນການ ແລະ ວຽກງານປ້ອງກັນຄວາມສະຫງົບ, ຫຼັງຈາກນັ້ນທ່ານ ກັ້ງ ເຕິມສົມບັດ ຫົວໝ້າກົມຈັດຕັ້ງກະຊວງໄດ້ຂື້ຜ່ານຂໍ້ຕົກລົງວ່າດ້ວຍການແຕ່ງຕັ້ງ ເລກທີ 030/ ຄປຈ ວ່າດ້ວຍການແຕ່ງຕັ້ງປະທານສານປະຊາຊົນເຂດ III ໄດ້ແຕ່ງຕັ້ງ ທ່ານ ສັນຕິ ພີມມະກອນ ເປັນປະທານສານປະຊາຊົນເຂດ III ໃນຕອນທ້າຍພິທີດັ່ງກ່າວ ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ໃຫ້ກຽດມີຄຳເຫັນໂອລົມ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານໃນການເຄືອນໄຫວຈັດຕັ້ງປະຕິບັດວຽດງານຂອງສານປະຊົນເຂດ III ໄລຍະຜ່ານມາມີຄວາມຮັບຜິດຊອບສູງ ພ້ອມທັງໃຫ້ທິດຊີ້ນຳ ແລະ ສະແດງຄວາມເປັນຫ່ວງເປັນໄຍ ຕໍ່ການຕັດສີນຂະດີ ແລະ ຄວາມສາມະຄີພາຍໃນ ການເມຶອງແນວຄິດ.

  

ພາບ-ຂ່າວ SK