DSC 0560


DSC 0508


    ພິທີໄດ້ຈັດຂື້ນໃນຕອນບ່າຍຂອງວັນທີ 18 ພຶດສະພາ 2018 ທີ່ຫ້ອງປະຊຸມສານປະຊາຊົນພາກໃຕ້ ໂດຍການເປັນປະທານຂອງທ່ານ ຄຳພັນ ສິດທິດຳພາ ກຳມະການສູນກາງພັກ ປະທານສານປະຊາຊົນສູງສຸດ, ທ່ານ ເມກສະຫວັນ ພົມພິທັກ ປະທານສະພາປະຊາຊົນແຂວງຈຳປາສັກ, ມີບັນດາແຂກຖືກເຊີນຈາກພະແນກການອ້ອມຂ້າງແຂວງ, ສານແຂວງ ແລະ ສານປະຊາຊົນພາກໃຕ້ເຂົ້າຮ່ວມ.

    ໃນພິທີກໍ່ຍັງໄດ້ຮັບຟັງການລາຍງານການເຄື່ອນໄຫວວຽກງານສານປະຊາຊົນພາກໃຕ້ໃນໄລຍະ 1 ປີຜ່ານມາ, ວຽກງານດ້ານການເມືອງແນວຄິດ, ວຽກງານການຄຸ້ມຄອງວິຊາການ, ວຽກງານດ້ານບຸກຄະລາກອນ, ວຽກງານດ້ານຂະບວນການຕ່າງໆ ແລະ ບາງຈຸດອ່ອນຂອດຄົງຄ້າງໃນການຈັດຕັ້ງປະຕິບັດ ເຊີ່ງໃນໄລຍະ 1 ປີຜ່ານມາສານປະຊາຊົນພາກໃຕ້ໄດ້ຮັບຄະດີຂັ້ນອຸທອນ ແລະ ຄະດີຂັ້ນລົບລ້າງເປັນຕົ້ນແມ່ນ; ຄະດີມາທັງໝົດ 54 ເລື່ອງ, ເຂົ້າໃໝ່ 147 ເລື່ອງ, ລວມ 201 ເລື່ອງ, ແກ້ໄຂໄດ້ 187 ເລື່ອງເທົ່າກັບ 93,3%, ຍັງຄ້າງ 14 ເລື່ອງ, ຂໍລົບລ້າງ 24 ເລື່ອງເທົ່າກັບ 20,86%, ຄະດີຂັ້ນອຸທອນຄ້າງມາ 34 ເລື່ອງ, ເຂົ້າໃໝ່ 91 ເລື່ອງ, ລວມ 125 ເລື່ອງ, ແກ້ໄຂໄດ້ 115 ເລື່ອງເທົ່າກັບ 92%, ຍັງຄ້າງ 10 ເລື່ອງ, ຂັ້ນລົບລ້າງ 24 ເລື່ອງເທົ່າກັບ 20,86%, ຄະດີຂັ້ນລົບລ້າງຄ້າງມາ 20 ເລື່ອງ, ເຂົ້າໃໝ່ 56 ເລື່ອງ, ລວມ 76 ເລື່ອງ, ແກ້ໄຂໄດ້ 72 ເລື່ອງເທົ່າກັບ 94,73%, ແລະ ຍັງຄ້າງ 4 ເລື່ອງ ພ້ອມທັງໄດ້ວາງທິດທາງແຜນການຈຸດສຸມປີ 2018 ຕື່ມອີກ. ໂອກາດດຽວກັນກໍ່ໄດ້ມີການປະກາດແຕ່ງຕັ້ງຜູ້ພິພາກສາຊຸດໃໝ່ ໄດ້ມີມະຕິຕົກລົງຂອງຄະນະປະຈຳສະພາແຫ່ງຊາດວ່າດ້ວຍການແຕ່ງຕັ້ງຜູ້ພິພາກສາສານປະຊາຊົນພາກໃຕ້ ເຊິ່ງຄະນະປະຈຳສະພາແຫ່ງຊາດຕົກລົງແຕ່ງຕັ້ງ ທ່ານນາງ ຕຸກຕາ ໄຊຍະບູນ ຜູ້ຊ່ວຍຜູ້ພິພາກສາ ຊັ້ນໜື່ງ ຂັ້ນສີ່ ປະຈຳຢູ່ສານປະຊາຊົນພາກໃຕ້, ແຕ່ງຕັ້ງ ທ່ານນາງ ສົມບູນ ອິນຕຣາວົງ ຜູ້ຊ່ວຍຜູ້ພິພາກສາ ຊັ້ນໜື່ງ ຂັ້ນສີ່ ປະຈຳຢູ່ສານປະຊາຊົນພາກໃຕ້, ແຕ່ງຕັ້ງ ທ່ານ ສອນໄຊ ສັກກະທິນ ຜູ້ຊ່ວຍຜູ້ພິພາກສາ ຊັ້ນໜື່ງ ຂັ້ນສີ່ ປະຈຳຢູ່ສານປະຊາຊົນພາກໃຕ້, ຕອນທ້າຍພິທີກໍ່ຍັງໄດ້ຮັບຟັງການມີຄຳເຫັນໂອ້ລົມຈາກທ່ານ ຄຳພັນ ສິດທິດຳພາ ກຳມະການສູນກາງພັກ ປະທານສານປະຊາຊົນສູງສຸດ ໃຫ້ຜູ້ທີ່ຖືກແຕ່ງຕັ້ງມີຈັນຍາບັນ-ຈັນຍາທຳໃນການຕັດສິນຄະດີຕ່າງໆ ຖືສິດຜົນປະໂຫຍດສ່ວນລວມກວ່າສ່ວນຕົວ ແລະ ຄອບຄົວ ພ້ອມກັນຕັ້ງໜ້າຈັດຕັ້ງປະຕິບັດວຽກງານໃຫ້ມີຄວາມຖືກຕ້ອງຕາມລະບຽບກົດໝາຍ

  

ຂ່າວໂດຍ: ບຸນນົງ+ນົກກະຈິບນ້ອຍ