DSC 0270


DSC 0259


    ພິທີປະກາດແຕ່ງຕັ້ງ ຜູ້ພິພາກສາ ສານປະຊາຊົນເຂດ I ແຂວງເຊກອງ.ໄດ້ມີຂຶ້ນຢ່າງເປັນທາງການໃນວັນທີ 16 ພຶດສະພາ 2018 ນີ້,ຢູ່ທີ່ສະໂມສອນໃຫຍ່ແຂວງເຊກອງ.ໂດຍການເຂົ້າຮ່ວມຂອງທ່ານ ຄຳພັນ ສິດທິດຳພາ ກຳມະການສູນກາງພັກ,ເລຂາຄະນະພັກ,ປະທານປະຊາຊົນສູງສຸດ,ມີທ່ານ ພອນເພັດ ຄິວລະວົງ ຮອງເລຂາພັກແຂວງ,ປະທານສະພາປະຊາຊົນແຂວງ ທັງເປັນຜູ້ຊີ້ນຳຂົງເຂດປົກປ້ອງກົດໝາຍຂັ້ນແຂວງ,ມີບັນດາທ່ານກຳມະການພັກແຂວງ,ຄະນະປະຈຳພັກເມືອງ,ຫົວໜ້າພະແນກການອ້ອມຂ້າງແຂວງ,ຫົວໜ້າແລະຮອງຫົວໜ້າຫ້ອງການອ້ອມຂ້າງເມືອງລະມາມ.ພ້ອມດ້ວຍພະນັກງານສານປະຊາຊົນ ແລະ ອຳນາດການປົກຄອງ 6 ບ້ານເທດສະບານແຂວງເຊກອງເຂົ້າຮ່ວມ.

    ໂດຍປະຕິບັດຕາມມະຕິຕົກລົງສະບັບເລກທີ 056/ຄປຈ ຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງຜູ້ພິພາຫສາສານປະຊາຊົນເຂດ I ແຂວງເຊກອງ.ໃນນີ້ຄະນະປະຈຳສະພາແຫ່ງຊາດຕົກລົງແຕ່ງຕັ້ງທ່ານ ເກດດວງຈັນ ພົມມະແສງ ຜູ້ຊ່ວຍພິພາກສາ ຂຶ້ນເປັນຜູ້ພິພາກສາຊັ້ນໜຶ່ງ,ຂັ້ນສີ່ ປະຈຳຢູ່ສານປະຊາຊົນເຂດ I ແຂວງເຊກອງ.ໃນພິທີທ່ານ ຄຳພັນ ສິດທິດຳພາ ກຳມະການສູນກາງພັກ,ເລຂາຄະນະພັກ ປະທານສານປະຊາຊົນສູງສຸດ ກໍ່ໄດ້ໃຫ້ກຽດຂຶ້ນປະດັບທະນູບ່າ,ສວມຊຸດນັ່ງບັນລັງຕັດສິນ.ພ້ອມນີ້ທ່ານ ພອນເພັດ ຄິວລະລົງ ປະທານສະພາປະຊາຊົນແຂວງ ຜູ້ຊີ້ນຳຂົງເຂດປົກປ້ອງກົດໝາຍຂັ້ນແຂວງ ກໍ່ໄດ້ຂຶ້ນມອບຂໍ້ຕົກຂອງຄະນະປະຈຳສະພາແຫ່ງຊາດໃຫ້ຜູ້ທີ່ໄດ້ຖືກແຕ່ງຕັ້ງໃນຄັ້ງນີ້.

    ຈາກນີ້ ທ່ານ ເກດດວງຈັນ ພົມມະແສງ ກໍ່ໄດ້ຂຶ້ນກ່າວຮັບໜ້າທີ່ ແລະ ກ່າວປະຕິຍານຕໍ່ຊາດ,ຕໍ່ພັກ,ຕໍ່ທ່ານຜູ້ນຳ,ຕໍ່ປະຊາຊົນວ່າ: ຈະບໍ່ສວຍໃຊ້ໜ້າທີ່,ຕຳແໜ່ງ,ສິດອຳນາດເພື່ອຫາຜົນຜະໂຫຍດໃຫ້ແກ່ຕົນເອງ ຫຼື ຍາດພີ່ນ້ອງ,ບໍ່ບັງຄັບ,ນາບຄູ່,ປະຕິບັດສິດໜ້າທີ່ເກີນຂອບເຂດ ຫຼື ລະເມີດລະບຽບການດຳເນີນຄະດີ,ບໍ່ລຳອຽງ ຫຼື ເຂົ້າຂ້າງອອກຂາ ທີ່ພາໃຫ້ມີການຕັດສິນຄະດີທີ່ບໍ່ຍຸຕິທຳ,ບໍ່ກັກສຳນວນຄະດີ,ກົດໜ່ວງເອກະສານ,ປິດບັງ,ຊຸກເຊື່ອງເອກະສານ ຫຼື ຫຼັກຖານຢູ່ໃນສຳນວນຄະດີ,ທວງຮຽກຮັບສິນບົນ ເພື່ອຫາຜົນປະໂຫຍດ,ບໍ່ເປີດເຜີຍຄວາມລັບກ່ອນຕັດສິນຄະດີ,ເປັນທີ່ປຶກສາທາງດ້ານກົດໝາຍ,ພົວພັນກັບຄູ່ຄວາມເພື່ອຫາຜົນປະໂຫຍດ,ບໍ່ສ້າງກຸ່ມກ້ອນເຄືອຂ່າຍ ແລະ ກະທຳສິ່ງໃດສິ່ງໜຶ່ງທີ່ກໍ່ໃຫ້ເກີດຜົນກະທົບເຖິງການພິຈາລະນາຕັດສິນຄະດີທີ່ບໍ່ເປັນທຳ ແລະ ບໍ່ຫຼິ້ນກິນຟຸມເຟືອຍ,ການພະນັນ,ໄພສັງຄົມ,ກະທຳຜິດຕໍ່ຈັນຍາບັນ-ຈັນຍາທຳຂອງລັດຖະກອນຕຸລາການ ແລະ ລະເມີດລະບຽບກົດໝາຍ.

  

ພາບ-ຂ່າວ SK