DSC 0175


DSC 0161


   ໃນວັນທີ 15 ພຶດສາພາ 2018 ແຂວງສາລະວັນໄດ້ຈັດພິທີປະກາດແຕ່ງຕັ້ງຮອງປະທານສານເຂດ II ແລະຜູ້ພິພາກສາສານປະຊາຊົນແຂວງສາລະວັນຂື້ນຢູ່ທີ່ສະໂມສອນແຂວງໂດຍໃຫ້ກຽດເປັນ ປະທານຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະພັກ ປະທານ ສານປະຊາຊົນສູງສຸດ ແລະ ສະຫາຍ ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງໆສາລະວັນ ຜູ້ຊີ້ນຳວຽກງານອົງການຕຸລະການ, ໃຫ້ກຽດເຂົ້າຮ່ວມມີຕ່າງໜ້າພະແນກການຕ່າງອ້ອມຂ້າງແຂວງ ແລະກຸ້ມປົກປ້ອງກົດໝາຍເຂົ້າຮ່ວມ.

    ໃນພິທີດັ່ງກ່າວ ໄດ້ຜ່ານມະຕິຕົກລົງ ຂອງຄະນະປະຈຳສະພາ ແຫ່ງຊາດ ວ່າດ້ວຍ ການແຕ່ງຕັ້ງ ຮອງປະທານ ສານປະຊາຊົນ ເຂດ II ແຂວງສາລະວັນ, ຄະນະປະຈໍາສະພາແຫ່ງຊາດ ຕົກລົງ ແຕ່ງຕັ້ງ ທ່ານ ຕຸ້ຍ ກັນຕິຈັນ ຜູ້ພິພາກສາ ຫົວໜ້າຄະນະສານຄອບຄົວ ເປັນ ຮອງປະທານ ສານປະຊາຊົນ ເຂດ II ແຂວງສາລະວັນ, ມອບໃຫ້ສານປະຊາຊົນສູງສຸດ ສານປະຊາຊົນເຂດ II ແຂວງສາລະວັນ, ພາກສ່ວນທີ່ກຽ່ວຂ້ອງ, ຜູ້ຖືກແຕ່ງຕັ້ງ ຈົ່ງຮັບຮູ້ ແລະ ຈັດຕັ້ງປະຕິບັດ ມະຕິສະບັບນີ້ຢ່າງເຂັ້ມງວດ ແລະ ພ້ອມກັນນີ້ໃນພິທີດັ່ງກ່າວ ຍັງໄດ້ຜ່ານມະມິຂອງ ຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງຜູ້ພິພາກສາ ສານປະຊາຊົນ ແຂວງສາລະວັນ ແລະ ສານປະຊາຊົນເຂດ II ແຂວງສາລະວັນ, ຄະນະປະຈໍາສະພາແຫ່ງຊາດຕົກລົງແຕ່ງຕັ້ງ ທ່ານ ຫວານໃຈ ສີຫາຈັກ ຜູ້ຊ່ອຍຜູ້ພິພາກສາ ເປັນ ຜູ້ພິພາກສາຊັ້ນ 2 ຂັ້ນ 2 ປະຈໍາຢູ່ສານປະຊາຊົນ ແຂວງສາລະວັນ, ທ່ານ ສົງກາ ຄ່ຽມມະນິຂັນໄຊ ຜູ້ຊ່ອຍຜູ້ພິພາກສາ ເປັນ ຜູ້ພິພາກສາຊັ້ນ 1 ຂັ້ນ 4 ປະຈໍາຢູ່ສານປະຊາຊົນ ແຂວງສາລະວັນ, ທ່ານ ສົມພອນ ແກ້ວໜູພັນ ຜູ້ຊ່ອຍຜູ້ພິພາກສາ ເປັນ ຜູ້ພິພາກສາຊັ້ນ 1 ຂັ້ນ 4 ປະຈໍາຢູ່ສານປະຊາຊົນເຂດ II ແຂວງສາລະວັນ, ມອບໃຫ້ສານປະຊາຊົນສູງສຸດ, ສານປະຊາຊົນ ແຂວງສາລະວັນ, ສານປະຊາຊົນເຂດ II ແຂວງສາລະວັນ, ພາກສ່ວນທີ່ກຽ່ວຂ້ອງ, ຜູ້ຖຶກແຕ່ງຕັ້ງ ຈົ່ງຮັບຮູ້ ແລະ ຈັດຕັ້ງປະຕິບັດ ມະຕິສະບັບນີ້ຢ່າງເຂັ້ມງວດ.

  

ພາບ-ຂ່າວ SK