DSC 00501


DSC 0037


 ໃນຕອນເຊົ້າຂອງວັນທີ 14 ພຶດສະພາ 2018 ສານປະຊາຊົນແຂວງສະຫວັນນະເຂດໄດ້ຈັດພິທີປະກາດແຕ່ງຕັ້ງຜູ້ພິພາກສາປະຈຳເຂດ I ສານປະຊາຊົນແຂວງສະຫວັນນະເຂດຂື້ນຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງສະຫວັນນະເຂດ, ໂດຍການໃຫ້ກຽດເປັນປະທານຂອງທ່ານ ຄຳພັນ ສິດທິດຳພາ ກຳມະການສູນກາງພັກ ປະທານສານປະຊາຊົນສູງສຸດ, ທ່ານ ພູຄຳ ເລນິນ ປະທານສານປະຊາຊົນແຂວງສະຫວັນນະເຂດ ຕະຫຼອດຮອດພະນັກງານລັດຖະກອນ ແລະ ນັກສຶກສາສະຖາບັນຍຸຕິທຳພາກກາງ ເຂົົົ້າຮວມຢ່າງພ້ອມພຽງ.

   ໃນພິທີດັ່ງກ່າວ ທ່ານ ພູຄຳ ເລນິນ ໄດ້ຜ່ານບົດລາຍງານການເຄືອນໄຫວວຽກງານຂອງສານປະຊາຊົນເຂດ I ໃນໄລຍະຜ່ານມາ ແລະ ທ່ານ ກັ້ງ ເຕັມສົມບັດ ຂື້ນຜ່ານມະຕິຕົກລົງ ຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງ ຜູ້ພິພາກສາປະຈຳສານເຂດ I ແຂວງສະຫວັນນະເຂດ, ເຊິ່ງໄດ້ຕົກລົງແຕ່ງຕັ້ງ ທ່ານ ໝອນແກ້ວ ສີຫາວົງ ເປັນຜູ້ພິພາກສາປະຈຳສານປະຊາຊົນເຂດ I ແຂວງສະຫວັນນະເຂດ.

    ໃນວາລະດັ່ງກ່າວ ທ່ານ ຄຳພັນ ສິດທິດຳພາ ກໍ່ເປັນກຽດຂື້ນມອບຕຳແໜ່ງໃຫ້ແກ່ທ່ານ ໝອນແກ້ວ ສີຫາວົງ ເພືອເປັນກຽດໃຫ້ແກ່ການປະຕິບັດວຽກງານໃນຂັ້ນຕໍ່ໄປ ແລະ ໃນວາລະສຸດທ້າຍ ທ່ານ ຄຳພັນ ສິດທິດຳພາ ກໍ່ໄດ້ໃຫ້ຄຳໂອວາດເນັ້ນໜັກໃຫ້ບັນດາທ່ານທີ່ຖືກແຕ່ງຕັ້ງ ຈົງເອົາໃຈໃສ່ເຮັດໜ້າທີ່ຂອງຕົນດ້ວຍຄວາມປອດໃສຍຸຕິທຳ, ບໍ່ສວຍໃຊ້ໜ້າທີຕຳແໜ່ງສິດອຳນາດເພື່ອຫາຜົນປະໂຫຍດໃຫ້ແກ່ຕົນເອງ ຫຼື ຍາດພີນ້ອງ, ບໍ່ບັງຄັບນາບຂູ່ປະຕິບັດສິດໜ້າທີເກີນຂອບເຂດ ຫຼື ລະເມີດລະບຽບການດຳເນີນຄະດີ ແລະ ພ້ອມກັນເຮັດໜ້າທີຂອງຕົນດ້ວຍຄວາມຮັບຜິດຊອບ ເພື່ອເຮັດໃຫ້ວຽກງານສານປະຊາຊົນໄດ້ຮັບຄວາມໄວ້ວາງໃຈຈາກປະຊາຊົນ.

 

 

ນາມປາກກາ : SK