DSC 0165


DSC 0058


        ວັນທີ 24 ເມສາ 2018 ນີ້, ສານປະຊາຊົນແຂວງ ໄຊຍະບູລີ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດ ແລະ ການເຄື່ອນໄຫວວຽກງານປະຈໍາປີ 2017 ແລະ ທິດທາງແຜນການປີ 2018 ຢູ່ທີ່ຫ້ອງປະຊຸມອົງການດັ່ງກ່າວ. ໂດຍການໃຫ້ກຽດເຂົ້າຮ່ວມຂອງ ທ່ານ ຄໍາພັນ ສິດທິດໍາພາ ປະທານສານປະຊາຊົນສູງສຸດ, ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ, ມີປະທານ, ຮອງປະທານສານປະຊາຊົນແຂວງ, ສານປະຊາຊົນເຂດ, ຜູ້ພິພາກສາ, ຜູ້ຊ່ວຍພິພາກສາ ຕະຫຼອດຮອດພະນັກງານ - ລັດຖະກອນສານປະຊາຊົນແຂວງ ແລະ ສານປະຊາຊົນເຂດເຂົ້າຮ່ວມ.

         ທ່ານ ຄໍາພາດ ນ້ອຍຜາ ປະທານສານປະຊາຊົນແຂວງໄຊຍະບູລີ ໄດ້ຂື້ນຜ່ານບົດສະຫຼຸບການຈັດຕັ້ງ ແລະ ການເຄື່ອນໄຫວວຽກງານສານປະຊາຊົນແຂວງໄຊຍະບູລີ ປະຈໍາປີ 2017 ແລະ ທິດທາງແຜນການປີ 2018 ໃຫ້ຮູ້ວ່າ:  ປີຜ່ານມານີ້ສານປະຊາຊົນແຂວງໄຊຍະບູລີ ມີຄະດີຄ້າງ ແລະ ຂະດີເຂົ້າໃໝ່ລວມທົງໝົດ 659 ເລື່ອງ, ຂັ້ນອຸທອນ 10 ເລື່ອງ, ແກ້ໄຂແລ້ວ 581 ເລື່ອງ, ຂັ້ນອຸທອນ 07 ເລື່ອງ ເທົ່າກັບ 88,16%, ຄະດີຄ້າງມາພວມສືບຕໍ່ 78 ເລື່ອງ ຂັ້ນອຸທອນ 03 ເລື່ອງ ເທົ່າກັບ 11,84%; ໃນນີ້ສານປະຊາຊົນແຂວງມີຄະດີຄ້າງມາແຕ່ປີ 2016 ຈໍານວນ 33 ເລື່ອງ, ຂັ້ນອຸທອນ 03ເລື່ອງ, ເຂົ້າໃໝ່ 322 ເລື່ອງ, ຂັ້ນອຸທອນ 07 ເລື່ອງ , ລວມທັງໝົດ 355 ເລື່ອງ, ແກ້ໄຂໄດ້ 321 ເລື່ອງ, ຂັ້ນອຸທອນ 07 ເລື່ອງເທົ່າກັບ 90,42% ຍັງຄ້າງ 34 ເລື່ອງ, ຂັ້ນອຸທອນ 03 ເລື່ອງ ເທົ່າກັບ 9,57 % ຄະດີອາຍາ ລວມທັງໝົດ 296 ເລື່ອງ, ຕັດສິນແລ້ວ 279 ເລື່ອງ, ໃນນີ້ຂັ້ນອຸທອນ 01 ເລື່ອງ, ຍັງຄ້າງ 17 ເລື່ອງ. ຄະດີແພ່ງ ມີທັງໝົດ 24 ເລື່ອງ, ຂັ້ນອຸທອນ 08 ເລື່ອງ, ແກ້ໄຂ 17 ເລື່ອງ, ໃນນີ້ຂັ້ນອຸທອນ 05 ເລື່ອງ, ພິພາກສາ 02 ເລື່ອງ, ໄກ່ເກ່ຍ 02 ເລື່ອງ, ຄໍາສັ່ງຢືດຊັບ 01 ເລື່ອງ, ຍັງຄ້າງ 07 ເລື່ອງ, ຂັ້ນອຸທອນ 03 ເລື່ອງ. ຄະດີການຄ້າ ມີ 16 ເລື່ອງ, ແກ້ໄຂແລ້ວ 08 ເລື່ອງ, ຍັງຄ້າງ 08 ເລື່ອງ. ຄະດີຄອບຄົວ ມີ 03 ເລື່ອງ ແກ້ໄຂແລ້ວ 01 ເລື່ອງ, ຍັງຄ້າງ 02 ເລື່ອງ. ຄະດີເດັກ ມີ 16 ເລື່ອງ, ແກ້ໄຂແລ້ວ 16 ເລື່ອງ. ໃນຈໍານວນຄະດີທີ່ແກ້ໄຂແລ້ວນັ້ນສານໄດ້ຕັດສິນປັບໃໝເປັນເງິນ  14 ຕື້ 300 ລ້ານກວ່າກີບ, ຮິບຊັບ ແລະ ຮິບວັກຖຸສິ່ງຂອງ ທີ່ພົວພັນກັບການກະທໍາຜິດມີ: ຢາບ້າ 113,000 ກວ່າເມັດ, ນໍ້າໜັກ 14,700 ກວ່າກຼາມ, ຢາຝິ່ນ, ນໍ້າໜັກ 465,91 ກຼາມ, ກັນຊານໍ້າໜັກ 5,1 ກຼາມ, ຮິບຊັບເປັນເງິນສົດ 2​ ຕື້ 800 ລ້ານກວ່າ ກີບ, ເງິນບາດ 507,000 ບາດ, ພາຫະນະລົດໃຫຍ່ 04 ຄັນ, ລົດຈັກ 53 ຄັນ, ໂທລະສັບ 109 ໜ່ວຍ ແລະ ຊັບສິ່ງຂອງອື່ນໆອີກຈໍານວນໜື່ງ.

         ໃນພິທີທ່ານ ຄໍາພັນ ສິດທິດໍາພາ ປະທານສານປະຊາຊົນສູງສຸດ  ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດທີ່ຜ່ານມາ ແລະ ໄດ້ເນັ້ນໜັກປະທານ, ຮອງປະທານສານທຸກຂັ້ນເອົາໃຈໃສ່ຈັດຕັ້ງປະຕິບັດຂັ້ນຕອນການຄຸ້ມຄອງ ແລະ ການບໍລິການຄະດີໃຫ້ມີຄວາມຮັດກຸມ, ວ່ອງໄວ ແລະ ຖືກຕ້ອງຕາມກົດໝາຍທີ່ກໍານົດໄວ້, ການດໍາເນີນຄະດີຕ້ອງຮັບປະກັນໃນການເກັບກໍາຂໍ້ມູນຫຼັກຖານ, ຮອບດ້ານ, ສັດຊື່ບໍລິສຸດ, ມີຄວາມໂປ່ງໃສ ແລະ ຫຼັກການປະສານສົມທົບພາກສ່ວນທີ່ກ່ຽວຂ້ອງ ເພື່ອຄວາມເປັນເອກະພາບກັນໃນການແກ້ໄຂບັນຫາທີ່ເກີດຂື້ນໃນທົ່ວສັງຄົມ.

 

ນາມປາກກາ : ຄຳເງິນ